სიახლეები
ვითარება ოკუპირებულ აფხაზეთში
უცნობმა პირებმა ე.წ. პრეზიდენტ რაულ
ხაჯიმბას მომხრეების ავტომობილს ცეცხლი გაუხსნეს.
არეულობა ოკუპირებულ აფხაზეთში.
ვრცელდება ცნობა, რომ უცნობმა პირებმა ე.წ. პრეზიდენტ რაულ ხაჯიმბას
მომხრეების ავტომობილს ცეცხლი გაუხსნეს.
თავდასხმის შედეგად დაშავდა ერთი ადამიანი. ამასთანავე ე.წ შინაგან
საქმეთა მინისტრმა, ე.წ. პროკურატურის მიერ მოკვლევის დასრულებამდე,
პოსტის დატოვების გადაწყვეტილება მიიღო.
ოპოზიცია ე.წ ძალოვან მინისტრს ამომრჩეველზე ზეწოლაში ადანაშაულებს და
ოკუპირებულ რეგიონში კრიმინოგენული ვითარების გაუარესების გამო
უკმაყოფილებას გამოთქვამს.
პარტია ამცახარას წევრებმა ე.წ. შს სამინისტროს შენობის შტურმით აღება
ორჯერ სცადეს. დაშავებულია რამდენიმე ადამიანი.
ოპოზიცია 10 ივლისს, დანიშნული ე.წ. ვადამდელი საპრეზიდენტო
არჩევნების შესახებ ე.წ. რეფერენდუმის შემოდგომაზე გადატანასაც
ითხოვს.
დეფაქტო პრეზიდენტმა რაულ ხაჯიმბამ ოპოზიცია ვითარების
დესტაბილიზაციაში დაადანაშაულა.
"ოპოზიცია რეფერენდუმის ჩაშლაზე მიდის, რადგან მისი შესაძლო შედეგები
არ გაამართლებს მისი ინიციატორების იმედებს", - განაცხადა
ხაჯიმბამ.
