საქართველოს "კვნ"-ის ნაკრები სამშობლოში გამარჯვებული დაბრუნდა. ე.წ "საპრეზიდენტო  კივინი"- ასე ეწოდება ჯილდოს, რომელიც გუნდმა საუკეთესო ნომრებისთვის, ქალაქ სვეტლავოლსკის მუსიკალურ-იუმორისტულ ფესტივალზე მოიპოვა.

ნაკრებში ამბობენ, რომ „საპრეზიდენტო“ ჯილდო მათთვის დიდი წარმატებაა, რადგან კონკურსში სხვადასხვა ქვეყნიდან 27 გუნდი იღებდა მონაწილეობას.

ნაკრებისთვის  ეს უკვე რიგით მეორე ჯილდოა. საქართველოს მხიარულთა და საზრიანთა გუნდი 2014 წელს „კვნ“-ის პრემიერ-ლიგის ჩემპიონი გახდა.

საქართველოს მხიარულთა და საზრიანთა გუნდის  ქალაქ სვეტლავოლსკში სტუმრობა თბილისის მერიამ, განათლების სპორტისა და ახალგაზრდულმა საქმეთა სამსახურმა ერთობლივად დააფინანსა.

წარსულში პრემიერ-ლიგის ჩემპიონი, ახლა უკვე  სვეტლავოლსკის მუსიკალური ფესტივალის გამარჯვებული ნაკრები არ ჩერდება და მომავალში „კვნ“-ის უმაღლეს ლიგაში მონაწილეობის მიღებას გეგმავს.