 |
|
|
08.02.2010
პატრიარქმა მიუნხენში გეგმიური მკურნალობის კურსი დაასრულა
კათოლიკოს-პატრიარქი საქართველოში გერმანიიდან 12 თებერვალს დაბრუნდება.
როგროც `ინტერპრესნიუსს~ საპატრიარქოდან აცნობეს, სრულიად საქართველოს კათოლიკოს-პატრიარქი, უწმინდესი და უნეტარესი, ილია მეორე საქართველოში გერმანიის ქალაქ მიუნხენიდან 12 თებერვალს, ჩარტერული რეისით დაბრუნდება. საპატრიარქოში უწმინდესის დაბრუნების ზუსტ დროს ჯერჯერობით ვერ ასახელებენ.
პატრიარქმა მიუნხენის ერთ-ერთ კლინიკაში გეგმიური სამედიცინო-პროფილაქტიკური მკურნალობის კურსი დაასრულა და თავს კარგად გრძნობს. საპატრიარქოს ინფორმაციით, გერმანიაში ვიზიტის დეტალებზე უწმინდესი განცხადებას საქართველოში ჩამოსვლის შემდეგ თავად გააკეთებს. პატრიარქი მარხვის დაწყებამდე, შენდობის დღეს, ტაძარში იქნება.
უწმინდესი საქართველოდან გერმანიაში 28 იანვარს გაემგზავრა.
"InterPressNews"
