რიოს ოლიმპიურ თამაშებზე საქართველოს სახელით მოასპარეზე სპორტსმენმა ორჭიდის ჯამში 473 კილოგრამი ასწია და მსოფლიოს და ოლიმპიური რეკორდი ერთი კილოგრამით გააუმჯობესა.
მან საქართველოს 2016 წლის ოლიმპიადაზე ოქროს პირველი მედალი მოუტანა.
გუშინდელი გამოსვლა წარმატებული აღმოჩნდა ირაკლი თურმანიძისთვისაც მან , 448 კილოგრამი ასწია. რითიც პირადი რეკორდი დაამყარა და ბრინჯაოს მედალს დაეუფლა.
ასევე ბრინჯაოს მედლის მფლობელი გახდა ბერძნულ-რომაულ ჭიდაობაში მოპასპარეზე შმაგი ბოლქვაძე.
გადამწყვეტ შეხვედრაში ბოლქვაძე იაპონელ სპორტსმენს დაუპირისპირდა.
პირველი პერიოდი ფრედ დასრულდა, მეორეში კი 22 წლის მოჭიდავემ გამარჯვების მომტანი ქულის მოპოვება შეძლო.
ამ დროისთვის ოლიმპიურ თამაშებზე ქართული დელეგაციის ანგარიშზე 5 მედალია - მათ შორის 1 ოქრო, 1 ვერცხლი, და 3 ბრინჯაო. საერთო ჩათვლაში საქართველოს ნაკრები მეორმოცე ადგილს ეთიოპიასთან იყოფს.