წინასაარჩევნო დაპირებებში ერთ-ერთი მთავარი ადგილი საპენსიო დანამატებს ეთმობა.

ყველა პარტია ინდივიდუალური გეგმით აპირებს ამომრჩეველთა არცთუ ისე პატარა სეგმენტის მოხიბლვას.

ზოგი, გამარჯვების შემთხვევაში, პენსიის 300 ლარამდე გაზრდის პირობას დებს, ზოგი უფრო მოკრძალებულ ციფრს ასახელებს.

რამდენად განხორციელებადია საქართველოს ეკონომიკის პირობებში პენსიების თითქმის გაორმაგება, პოლიტიკოსები და ანალიტიკოსები ამ კითხვას არაერთგვაროვნად პასუხობენ.