საქართველოში ლონდონიდან ბრუნდება პრემიერ-მინისტრი. გაერთიანებულ სამეფოში გიორგი კვირიკაშვილის მთავარი გზავნილები ქვეყნის ევრო-ატლანტიკურ კურსს, ანტიკორუფციულ პოლიტიკას, ინოვაციურ მიღწევებსა და საერთაშორისო მისიებში ქართველი ჯარისკაცების მონაწილეობას ეხებოდა. დატვირთული დღის წესრიგი ბრიტანეთის საგარეო საქმეთა მინისტრთან, "ბრითიშ პეტროლეუმის" დირექტორთა და ბრიტანელ ანალიტიკოსებთან შეხვედრას მოიცავდა.