გარემოსა და ბუნებრივი რესურსების დაცვის მინისტრმა გიგლა აგულაშვილმა გარემოსდაცვითი ზედამხედველობის დეპარტამენტის ახალ ხელმძღვანელად პაატა ბატიაშვილი წარადგინა.
ბატიაშვილი 2012-2015 წლებში შინაგან საქმეთა სამინისტროს სახელმწიფო უსაფრთხოების სააგენტოს დირექტორის მოადგილის პოსტს იკავებდა, ხოლო 2015 წლიდან დღემდე სახელმწიფო უსაფრთხოების სამსახურის მთავარი სამმართველოს უფროსი იყო.
მინისტრმა დეპარტამენტის ყოფილ ხელმძღვანელს მადლობა გადაუხადა, ახალს კი წარმატებები უსურვა.