სამტრედიის რაიონის სოფელ დიდ ჯიხაიშში, მდინარე გუბისწყალში ორი ახალგაზრდა დაიხრჩო.
გარდაცვლილები 19 და 21 წლის ძმები ვანიკო და თემურ ვაშაკიძეები არიან.
ისინი მდინარეში ბანაობდნენ. ერთ-ერთი მათგანი იხრჩობოდა და მეორემ დახმარება სცადა, თუმცა ვერ შეძლო.
ახალგაზრდების ცხედრები მაშველებმა ამოიყვანეს.
შინაგან საქმეთა სამინისტროს ინფორმაციით, მომხდართან დაკავშირებით გამოძიება სსკ-ის 116-ე მუხლით მიმდინარეობს, რაც გაუფრთხილებლობით სიცოცხლის მოსპობას გულისხმობს.