პოლიტიკა
პრეზიდენტი მოსამართლეებს და პოლიტიკოსებს მიმართავს
საქართველოს პრეზიდენტი გიორგი მარგველაშვილი მოსამართლეებს მოუწოდებს, პოლიტიკოსებთან საჯარო დისკუსიებისგან თავი შეიკავონ
„მინდა გამოვეხმაურო იმ პროცესს, რომელიც მიმდინარეობს მედიაში, რომელშიც ჩართული არიან მოსამართლეები, პოლიტიკოსები. პროცესს, რომელიც, სამწუხაროდ, აზიანებს ერთ-ერთ უმნიშვნელოვანეს საკონსტიტუციო ინსტიტუტს ჩვენი ქვეყნისა. მინდა მოვუწოდო მოსამართლეებს, მათი ძალიან მაღალი სტატუსიდან გამომდინარე, შეეცადონ და თავი შეიკავონ საჯარო დისკუსიისგან ერთმანეთთან, პოლიტიკოსებთან“, - განაცხადა მარგველაშვილმა.
მეორეს მხრივ, პრეზიდენტმა პოლიტიკოსებსაც მიმართა და სთხოვა, „სხვა თემებზე გადართვა მოახერხონ“.
„მინდა ვთხოვო ასევე პოლიტიკოსებს, რომ იქნებ მოხერხდეს სხვა თემებზე გადართვა და მედიაში ჩვენი უმნიშვნელოვანესი, სახლემწიფოებრივი ინსტიტუტის ასეთი ფართო დისკუსიისგან დაცვა. იმედი მაქვს, რომ როგორც მოსამართლეები თავის მაღალი სტატუსით, ასევე პოლიტიკოსები გაითვალისწინებენ, რომ პოლიტიკური დაპირისპირების მიუხედავად არსებობს რაღაცეები, რასაც უნდა გავუფრთხილდეთ“, - აღნიშნა პრეზიდენტმა.
Print