პოლიტიკა
"„დღევანდელი დღე განსაკუთრებით სიმბოლურია საქართველოსთვის"

ევროკავშირთან ასოცირების შესახებ შეთანხმება სრულად შედის ძალაში

საქართველოს პრემიერ–მინისტრი გიორგი კვირიკაშვილი ასოცირების შეთანხმების სრულად ამოქმედებასთან დაკავშირებით განცხადებას ავრცელებს.
„დღევანდელი დღე განსაკუთრებით სიმბოლურია საქართველოსთვის, რადგან დღეს ევროკავშირთან ასოცირების შესახებ შეთანხმება სრულად შედის ძალაში. ეს ნაბიჯი უბრალო ფორმალობაზე გაცილებით მეტია: ესაა შედეგი და ჯილდო, რომელიც წლების მანძილზე განხორციელებულმა ამბიციურმა რეფორმებმა მოგვიტანა. აღნიშნული რეფორმები შეეხო სასამართლო და საარჩევნო სფეროებს, მნიშვნელოვნად გააუმჯობესა ადამიანების უფლებრივი მდგომარეობა და ცხოვრების პირობები. ეს შეთანხმება ამყარებს საქართველოს ურთიერთობას თავის პარტნიორთან, რომელიც წლების მანძილზე ჩვენი მისაბაძი მაგალითი და საბოლოო დანიშნულების წერტილი იყო. რაც მნიშვნელოვანია, მიუთითებს ევროკავშირისა და საქართველოს შორის ურთიერთობების ახალი ეტაპის დაწყებას. ეს ეტაპი მოიცავს სფეროთა ისეთ ფართო სპექტრს, როგორიცაა გარემოს დაცვა, ტრანსპორტი, განათლება და ენერგია”- საქართველოს პრემიერ-მინისტრი გიორგი კვირიკაშვილი.

 

Print