პოლიტიკა
ბულგარეთი, ესტონეთი, ლატვია, ლიტვა და რუმინეთი საქართველოსთვის უვიზო რეჟიმის დაწესებას მოითხოვს
10:06 / 20.06.2016
ევროკავშირის ხუთი
წევრი სახელმწიფო ევროკავშირს წერილით მიმართავს
ევროკავშირის ხუთი წევრი სახელმწიფო ევროკავშირს წერილით მიმართავს და მოითხოვს, რომ საქართველოს უვიზო რეჟიმი რაც შეიძლება სწრაფად დაუწესდეს.
წერილის ავტორები ბულგარეთის, ესტონეთის, ლატვიის, ლიტვისა და რუმინეთის შინაგან და საგარეო საქმეთა მინისტრები არიან.
წერილში ნათქვამია, რომ საქართველომ უვიზო რეჟიმის მისაღებად შეასრულა ევროკავშირის ყველა პირობა და ახლა ევროკავშირმა უნდა მიიღოს საპასუხო ნაბიჯი.
წერილი ევროკავშირის ხუთმა წევრმა ქვეყანამ მას შემდეგ მიიღო, რაც გერმანიამ, საფრანგეთმა და იტალიამ, ევროკავშირის ელჩების სხდომაზე საქართველოსთვის უვიზო რეჟიმის დაწესების ინიციატივა დაბლოკეს.
"გადაწყვეტილების მიღების გადადება ეჭვქვეშ დააყენებს ჩვენს სანდოობას და შესაძლოა, უარყოფითი გავლენა მოახდინოს საქართველოში ევროინტეგრაციასთან დაკავშირებულ რეფორმებზე, ისევე, როგორც ჩვენს სხვა პარტნიორ ქვეყნებზე", - ნათქვამია წერილში, რომლის შინაარსსაც ევროპული გამოცემა "ობსერვერი" ავრცელებს.
წერილის ავტორები იმედს გამოთქვამენ, რომ საქართველოსთვის ვიზალიბერალიზაციის რეჟიმის დაწესებაზე გადაწყვეტილებას ევროკავშირის საგარეო საქმეთა მინისტრების შეხვედრაზე მიიღებენ.
ევროკავშირის ქვეყნების საგარეო საქმეთა მინისტრები საქართველოსთვის ვიზალიბერალიზაციის მინიჭების საკითხზე დღეს ლუქსემბურგში იმსჯელებენ.
ევროკავშირის ხუთი წევრი სახელმწიფო ევროკავშირს წერილით მიმართავს და მოითხოვს, რომ საქართველოს უვიზო რეჟიმი რაც შეიძლება სწრაფად დაუწესდეს.
წერილის ავტორები ბულგარეთის, ესტონეთის, ლატვიის, ლიტვისა და რუმინეთის შინაგან და საგარეო საქმეთა მინისტრები არიან.
წერილში ნათქვამია, რომ საქართველომ უვიზო რეჟიმის მისაღებად შეასრულა ევროკავშირის ყველა პირობა და ახლა ევროკავშირმა უნდა მიიღოს საპასუხო ნაბიჯი.
წერილი ევროკავშირის ხუთმა წევრმა ქვეყანამ მას შემდეგ მიიღო, რაც გერმანიამ, საფრანგეთმა და იტალიამ, ევროკავშირის ელჩების სხდომაზე საქართველოსთვის უვიზო რეჟიმის დაწესების ინიციატივა დაბლოკეს.
"გადაწყვეტილების მიღების გადადება ეჭვქვეშ დააყენებს ჩვენს სანდოობას და შესაძლოა, უარყოფითი გავლენა მოახდინოს საქართველოში ევროინტეგრაციასთან დაკავშირებულ რეფორმებზე, ისევე, როგორც ჩვენს სხვა პარტნიორ ქვეყნებზე", - ნათქვამია წერილში, რომლის შინაარსსაც ევროპული გამოცემა "ობსერვერი" ავრცელებს.
წერილის ავტორები იმედს გამოთქვამენ, რომ საქართველოსთვის ვიზალიბერალიზაციის რეჟიმის დაწესებაზე გადაწყვეტილებას ევროკავშირის საგარეო საქმეთა მინისტრების შეხვედრაზე მიიღებენ.
ევროკავშირის ქვეყნების საგარეო საქმეთა მინისტრები საქართველოსთვის ვიზალიბერალიზაციის მინიჭების საკითხზე დღეს ლუქსემბურგში იმსჯელებენ.